Letter for Sacrifice (Filipino) by Fr. Sarez

Inaanyayahan ko kayong gawing higit na makabuluhan ang inyong Kuwaresma ngayong taon.

Sa pamamagitan ng maliliit na sakripisyo, makatutulong kayong mabigyan ng tahanan at mapawi ang gutom ng maraming mahihirap.

Bilang halimbawa, ang matitipid ninyong pera kung hindi iinom ng isang lata ng soft drink sa isang araw ay maaaring makabili ng 2 latang sardinas.  Ang isang araw na pagpipigil ng paninigarilyo ay maaaring makapagbigay sa isang bata ng kanyang baon sa paaralan.  Kung 40 katao ay ipagpapaliban ang pagkain ng fast-food meal sa isang araw, makabibili ang isang pamilya ng 1 square meter ng lupa para sa minimithi nilang tahanan. At kung 1000 tao ang magsasagawa nito ay  makapagdudulot ito ng tahanan sa isang mag-anak.

Mahal kong mga kapatid, ang pagsasakripisyo ay ang pinakamagandang paraan upang maranasan ang tunay na kahulugan ng Kuwaresma at makibahagi sa paghihirap ni Kristo. Hindi mabibigat na sakripisyo,ang hinihiling kundi yaon lamang ninanais at abot ng inyong kakayanan upang sa gayon, kayo ay mabibigyan ng pagkakataong makiisa kay Kristo. Sa pamamagitan ng pakikibahagi sa Kanyang pagpapakasakit, mararanasan din natin ang kaligayahan ng Kanyang Pagkabuhay na muli kapag mamamasdan natin ang magagandang pagbabagong  maihahandog natin sa ating mahihirap na kapatid.

Upang matulungan kayo sa inyong pagpaplano, ito ang isang halimbawa ng isang linggong sakripisyong maaari ninyong gawin:

Maaari ninyong gamitin ang kalendaryo sa likod para itala ang mga  sakripisyong inyong nais gawin.  Sa katapusan ng 45 araw, ilagay ang inyong naipong halaga sa sobreng kalakip ng sulat na ito, at ihandog sa Banal na Misa sa Sta. Maria Della Strada Parish sa Huwebes Santo o sa Linggo ng Pagkabuhay. Puede rin ninyong ibigay ito sa Parish Office mula Huwebes Santo hanggang sa Linggo ng Pagkabuhay.*

Maraming salamat sa inyong mga sakripisyo.  Hindi sukatan ang halaga ng salaping inyong nakalap; ang mahalaga’y kayo ay makapagbibigay ng tulong sa marami nating maralitang kapatid.  Pagpalain nawa kayo ng Panginoon!

Fr. Manny Sarez

SMDS Parish Priest

*Ang inyong mga alay ay ibabahagi ng ating Parokya sa  Pabahay ng Diocese Program para sa mga manggagawa ng Parokya/Diocese ng Cubao.

“…Sa pag-aayuno…ito ang nais kong gawin ninyo. Ang mga api ay palayain at tulungan. Ang mga nagugutom ay inyong pakanin. Bigyan ng masisilungan ang ginigipit at walang tirahan. Yaong mga tao na walang damit ay inyong bihisan, Ang pagtulong sa  kapwa ay huwag tatalikdan…At kung magkagayon, Ako ay laging sasainyo, ililigtas kayo at iingatan kahit saan man. Kapag kayo ay tumawag, Ako ay agad na tutugon.” – Isaiah 58: 6-7

Ano ang gagawin nyo ngayong Kuwaresma at Mahal na Araw?